Құқық қорғау органдарының басшыларымен кездесуінде Президент құқыққа байланысты өзінің негізгі ұстанымдарын сөз еткен болатын. Ол айналамыздағы келеңсіздіктермен тұтас қоғам болып күресу керек деп санайды. Елімізде тұрмыстық зорлық-зомбылық, вандализм, дөрекілік және бұзақылық сияқты қылмыстар жойылуы тиіс. Қоғамда заң мен тәртіп бұзушылықтың кез келген түріне мүлде төзбетін әрі оны қатаң айыптайтын жағдай қалыптасуы керек. Әсіресе әйелдер мен балаларға зорлық-зомбылық көрсету фактілерінің жолын батыл түрде кесу қажет.
Президент өз сөзінде: «Заң бәріне бірдей. Азаматтарымыз заңдылықты нығайту жолында жұдырықтай жұмылса ғана қоғамда әділдік орнайды. Әділетті Қазақстан – Заң мен Тәртіп үстемдік құратын ел», – деді. Жалпы Президент Әділетті Қазақстанды құру үшін құқықтық мәдениетті дамыту керек екенін бұрыннан айтып та келеді.
#ҚұқықтықМәдениет
#Заңүстемдігі
Журналист К.Ербай
