Жаңа Қазақстанның құқықтық негізі» тақырыбында дөңгелек үстел өтті.
Іс-шараның мақсаты – Конституциялық реформалардың маңызын түсіндіру, Жаңа Қазақстан тұжырымдамасының құқықтық негіздерін талқылау және азаматтардың құқықтық сауаттылығын арттыру болды. Дөңгелек үстелге кітапхана оқырмандары, жастар, мекеме қызметкерлері және қоғам белсенділері қатысты.
Шара барысында Конституцияға енгізілген өзгерістер мен толықтырулар, олардың ел дамуына әсері, заң үстемдігін нығайтудағы рөлі кеңінен сөз болды. Қатысушылар өз пікірлерін білдіріп, ашық форматта ой алмасты. Сонымен қатар, құқықтық мемлекет қалыптастырудағы азаматтардың жауапкершілігі мен белсенділігінің маңызы атап өтілді.
Кездесу соңында қатысушылар тақырып бойынша өзара пікір алмасып, ұсыныстарын білдірді. Іс-шара мазмұнды өтіп, қатысушыларға құқықтық білімдерін кеңейтуге мүмкіндік берді.
