Бүгінгі таңда ел тағдырына қатысты маңызды шешімдер қабылданатын кезеңде аналардың да үні айқын естілуі тиіс. Себебі ана – отбасының ғана емес, ұлттың тәрбиешісі. Сондықтан референдум сияқты ел болашағына әсер ететін саяси қадамға бейжай қарау – болашақ ұрпаққа деген жауапкершілікті әлсірету деген сөз.
Қазақстан – бейбітшілік пен тұрақтылықты ту еткен мемлекет. Тәуелсіздік жылдарында талай тарихи белестерден өттік. Осындай сындарлы сәттерде халықтың таңдауына жүгіну – демократиялық қоғамның басты белгісі. Референдум – әр азаматтың, соның ішінде аналардың да, өз пікірін білдіруіне берілген мүмкіндік.
Нүрия ҚАПСАЛАНОВА, зейнеткер.
