Мемлекет Басшысы Қасым-Жомарт Тоқаев өзінің «Егемен Қазақстан» газетіне берген сұхбатында «Жаңа жыл – әрине, күнтізбенің жаңа парағын ашатын маңызды меже. Осы сәтте өткен жылды қорытындылап, келешекке жоспар құру әдетке айналған. Бір жағынан, Жаңа жыл мен үшін қастерлі мереке емес. Оның үстіне, өзіміздің төл жаңа жылымыз – Әз Наурызды естен шығармаған жөн. Бұл мейрам – тіршілікті түлете келетін нағыз табиғи жыл басы. Наурыз – жаңару мен жаңғырудың символы. Сондықтан төл мерекеміздің мазмұнын байытып, оны барынша ерекшелеп, жаңаша атап өтуіміз керек. Бұл қадам қоғамды ұйыстырып, ұлттық бірегейлігімізді айшықтап, ел бірлігін нығайта түсуге ықпал етеді деп сенемін» деді.
Мемлекет басшысының бұл сөзі ұлттық салт-дәстүрімізге деген өзінің құрметінің жоғары екендігін көрсетіп тұрғаны байқалды.
Сонымен қатар Президент еліміздің даму үдерісіндегі жоспарлы жұмыс биыл да жалғасын табатынына баса тоқталып, жаңа технологиялардың қолданысқа енгізіліп әлемнің күн санап дамып келе жатқанын, тарихи тұлғаларды насихаттауды үлкен жолға қойып отырғаны мені қатты қуантты.
Бақыт Сқабаев, аудандық Ардагерлер кеңесінің төрағасы.
