Бақанас ауылында Халықтық штабтың ұйымдастыруымен «Алатау Жарық» Балқаш РЭС ұжымымен экспромт кездесу өтті. Кездесуде атом электр станцияларының экономикалық тиімділігі мен қауіпсіздік шаралары кеңінен талқыланды.
«Қазақстанның энергетикалық болашағы үшін АЭС салу өте маңызды. Бүгінде еліміз электр энергиясының едәуір бөлігін сырттан импорттайды. АЭС салу арқылы біз өзімізді энергиямен толық қамтамасыз етіп, елдің энергетикалық қауіпсіздігін нығайтамыз. АЭС-тің заманауи технологиялары мен қауіпсіздік шаралары ең жоғары деңгейде және олар апаттарға төтеп беруге қабілетті», – деді Халықтық штаб мүшесі Бақыт Сқабаев.
Қызметкерлер АЭС-тің елдің энергетикалық және экономикалық тұрақтылығына қосатын үлесін жоғары бағалап, жобаны қолдауға дайын екендерін білдірді.
