Ағымдағы жылдың 15 шілде күні Алматы облысы әкімдігінің жанындағы үкіметтік емес ұйымдармен өзара іс-қимыл және ынтымақтастық жөніндегі кеңестің құрамы Алматы облысы Азаматтық Альянсымен бірлесіп «Мемлекеттік әлеуметтік тапсырыс саласындағы ҮЕҰ қызметін мониторингтеу әдістемесі» тақырыбында жиын өткізді.
Жиын мемлекеттік әлеуметтік тапсырысты өткізетін облыстық Ішкі саясат, Дін істері, Білім, Денсаулық сақтау, Жұмыспен қамтуды үйлестіру және әлеуметтік бағдарламалар, Жастар саясаты мәселелері жөніндегі басқармалар және 9 аудандық 2 қалалық ішкі саясат бөлімдері мен облыстағы белсенді үкіметтік емес ұйымдар өкілдерінің, қоғамдық кеңес мүшелерінің қатысуымен өткізілді.
Кеңес барысында 2025 жылдың бірінші жартыжылдығында мемлекеттік әлеуметтік тапсырыс бойынша іске асырылып жатқан шаралардың өткізілуі мен келесі жылға қоғамға маңызды тақырыптардың таңдалуы талқыланып мемлекеттік органдарға мемлекеттік әлеуметтік тапсырысқа мониторингті күйшейту тапсырылды.
Сондай-ақ Қоғам қайраткері, халықаралық қатынастар саласы бойынша PhD дәрежесіне ие доктор, профессор Абдихалыков Қайыржан Саясатұлымен мемлекеттік органдар мен үкіметтік емес ұйымдар өкілдеріне «Әлеуметтік жобаларға мониторинг жүргізу әдістері» және «Әлеуметтік лидерлік», «Эмоциялық интеллект және soft skills дамыту» тақырыптарында тренинг өткізіліп, тыңдаушыларға сертифакт табысталды.
