20 қаңтар күні жастар арасында құқықбұзушылықтың алдын алу бағытында «Тәртіпті өзіңнен баста» - тақырыбында іс-шара өтті. Аталған іс-шараға жоғары сынып оқушылары мен мұғалімдер қатысып, құқықтық тәртіп пен заң талаптарын сақтау мәселелері кеңінен талқыланды.
Кездесуге прокуратура қызметкерлері мен жергілікті атқарушы орган өкілдері арнайы қатысып, жасөспірімдер арасындағы құқықбұзушылықтың алдын алу, жауапкершілік, тәртіп мәдениетін қалыптастыру жөнінде түсіндіру жұмыстарын жүргізді.
Іс-шара барысында қатысушылар өз ой-пікірлерімен бөлісіп, көкейлеріндегі сұрақтарға нақты жауап алды. Мұндай кездесулер жастардың құқықтық сауаттылығын арттырып, қоғамда тәртіп пен заңға құрметті қалыптастыруға бағытталған.
#заңментәртіп
