«Таза Қазақстан» республикалық экологиялық акциясы еліміз бойынша барлық жерлерде өткізіліп жатыр. Бақ дарыған Балқаш ауданында да акция аясында ауқымды жұмыстар атқарылуда. Осындай мақсатта туындаған кезекті сенбілік қарсаңында аудан әкімінің орынбасары Данияр Нұрманов аудан тұрғындарын экологиялық бастамаға белсене қатысуға шақырды.
Аудан әкімі орынбасарының айтуынша туған өлкенің тазалығына үлес қосу – әрбір тұрғынның ортақ жауапкершілігінде. Мұндай әрекетімен олар туған өлкенің таза болуына өзінің азаматтық үлесін қоса алады.
Ол өз сөзінде: «Таза Қазақстан» акциясы бастау алғалы бері елімізде бұлақтардың, жылғалардың көздері ашылып, көшелер мен аулалар күл-қоқыстан тазартылып, ауыл келбеті ажарлана түсті.
Сондықтан да тұмса табиғатымыздың көркін одан әрі сақтауға барлықтарыңызды сенбілікке шақыра отырып, жұмыла жұмыс жасауға шақырамын" деді.
