Жақында ғана шаңырақ көтеріп, отбасылық өмірге қадам басқан Нұрлан Қанатұлы мен Тоғжан Бақтиярқызы Құрылтай сайлауында өз таңдауларын жасады.
Жас жұбайлар үшін бұл күннің орны ерекше. Өйткені олар отбасылық өмірлерінің алғашқы кезеңінде елдің қоғамдық-саяси өміріндегі маңызды науқанға қатысып, азаматтық борыштарын орындады.
Сайлау учаскесіне бірге келген Нұрлан мен Тоғжан өз дауыстарын беріп, ел болашағына деген сенімдерін білдірді. Жастардың осындай маңызды қоғамдық шараларға белсенді қатысуы – азаматтық жауапкершіліктің белгісі.
