Тыл ардагері, Балқаш ауданының Құрметті азаматы Мұқатай Мамытов Қарой ауылдық округіндегі №111 сайлау учаскесіне барып, өз таңдауын жасады.
Елдің талай белесін көріп, ауданның әлеуметтік-экономикалық дамуына өзіндік үлесін қосқан ардақты азамат үшін сайлауға қатысу – ел болашағына деген жауапкершіліктің көрінісі.
Ғибратты ғұмырымен кейінгі ұрпаққа өнеге болып жүрген Мұқатай Мамытов маңызды саяси науқаннан шет қалмай, азаматтық белсенділігін танытты. Оның сайлауға келіп, дауыс беруі – кейінгі буынға ел тағдырына бейжай қарамаудың жарқын үлгісі.
