Балқаш аудандық орталық ауруханасының электр маманы Бақытжан Рахимов бүгін сайлау учаскесіне алғашқылардың бірі болып келіп, дауыс беруге қатысты.
Оның көп жылдан бергі еңбегі ауруханамен тығыз байланысты. Медициналық мекемедегі құрал-жабдықтардың, жарық пен коммуникациялардың үздіксіз жұмыс істеуі күнделікті қызметтің қалыпты жүруінде маңызды рөл атқарады.
– Ертерек келіп, дауыс беруді жөн көрдім. Әр азамат өз таңдауын өзі жасауы керек деп есептеймін. Еліміздің дамып, ауылдарымызда өмір сүруге және еңбек етуге қолайлы жағдайдың қалыптасқанын, ауруханалар мен басқа да әлеуметтік нысандардың одан әрі жақсарғанын қалаймын. Сондықтан бүгін мен де ел өміріндегі маңызды оқиғадан шет қалмадым, – деді Бақытжан Рахимов.
