Алматы облысының және Балқаш ауданының Құрметті азаматы Тынышбай Досымбеков Миялы ауылдық округіндегі №97 сайлау учаскесіне барып, ел үшін маңызды саяси науқан – Құрылтай сайлауында өз таңдауын жасады.
Ел ағасы азаматтық белсенділік танытып, өзінің конституциялық құқығын жүзеге асырды. Ол сайлау – әр азаматтың ел болашағына қатысты өз пікірін білдіретін маңызды мүмкіндік екенін атап өтті.
Тынышбай Досымбековтің сайлауға қатысуы – кейінгі буынға үлгі боларлық азаматтық жауапкершіліктің көрінісі. Өйткені елдің ертеңі үшін жасалған әрбір таңдау – қоғамның дамуы мен тұрақты болашағына қосылған үлес.
