Балқаш ауданына қарасты Балатопар ауылының тұрғыны, ардагер ұстаз Раушан Сағындықова ел үшін маңызды саяси науқан – Құрылтай сайлауына белсенді қатысып, №116 сайлау учаскесіне барып, өз таңдауын жасады.
Ғұмырын ұрпақ тәрбиесі мен білім саласына арнаған ардагер ұстаз үшін ел болашағы әрдайым маңызды. Осыған байланысты ол азаматтық борышын орындап, сайлауға қатысу әр азаматтың ел дамуына қосқан үлесі екенін атап өтті.
Раушан Сағындықованың сайлауға белсенді қатысуы – кейінгі буынға үлгі боларлық азаматтық жауапкершіліктің көрінісі. Ардагер ұстаз елдің берекесі мен бірлігі нығайып, болашақ ұрпақтың жарқын күндері көп болуына тілектестігін білдірді.
