«23 тамыздағы 23 сәт» бейнебаянында Құрылтай сайлауындағы Балқаш ауданының 21 сайлау учаскесіндегі тұрғындардың азаматтық белсенділігі мен ел болашағына деген жауапкершілігі бір бейнеге тоғыстырылды. Кадрларда сайлау учаскелерінің жұмысы, тұрғындардың дауыс беруге белсенді қатысуы, ауылдардағы сайлау күнінің көңіл-күйі, учаскелер маңында ұйымдастырылған іс-шаралар: бос жұмыс орындарының жәрмеңкесі, мобильді дәрігерлік тексеру, ұлттық ойындар, концерттік бағдарлама, әжелер ансамблі, үйден дауыс беру, тыл ардагерлері мен ел ағаларының дауыс беруі, «Мен өз таңдауымды жасадым» акциясы, футбол командасының дауыс беруі, жас жұбайлардың дауыс беруі, «Үш ұрпақ – бір мақсат» акциясы, жәрмеңкелер мен басқа да есте қаларлық сәттерден көріністер қамтылды.
