АЗАТ ЕЛДІҢ ЖАСТАРЫ
Ахын Сейсекеұлы, аудандық білім бөлімі оқу-әдістемелік орталығының әдіскері.
Бақытты бүгін тәуелсіз ел жастары,
Қарыштап биік, алдыға қадам басқаны.
Таусылмас білім бұлағын іздеп, шаршамай,
Айдынға келіп, аққудай үлес қосқаны.
Тәрбие-тәлім бойына жиған жасынан,
Қазақтың иісі бұрқырап шығар қасынан.
Жастарға түзу Алланың аппақ ниеті,
Тәуелсіздігің - бақытың таймас басыңнан.
Жастарға сенді Мағжандай асыл даналар,
Жан бар ма ондай қазақтың жолын саралар.
Еліне еңбек еткеннің кетпес есесі,
Біз осы жолда бармыз ба бүгін ағалар?!
Өмірің-өрнек, өріліп тұрса басты арна,
Үмітіңді ізде, өмірдің жолын астарла.
Келешегі үшін қазақтың ұлы Мағжаны,
Жалынды жырмен тапсырды үміт жастарға.
