07 қазан күні Алматы облысы әкімі-А.Баталовтың қатысуымен Балқаш ауданының орталығы Бақанас ауылдық округінде «Денешынықтыру-сауықтыру кешені» ғимаратының салтанатты ашылу рәсімі өтті.
Аталған нысан құрылысына жергілікті бюджет есебінен 1,2 млрд.теңге жұмсалды. Кешен заман талабына сай спорттық құралдармен жабдықталған.
Жер телімі 4.7 га аумақты алып жатыр, ғимарат 4 блоктан тұрады. Спорт зал және тренажер, мини футбол және волейбол залдары, бокс залы, күрес залы орналасқан. Аулада: 200 метрлік жүгіру жолы, футбол алаңы, 50 орындық волейбол алаңы, 50 орындық баскетбол алаңы, қыдыру алаңы орналасқан.
