Елімізде 2021 жылы қазақ аналарын біріктіру арқылы жаһандану дәуірінде ұлттық құндылықтармен дәстүрді сақ-тай отырып,заманауи үлгіде өмір салтымызға енгізуді дә-ріптеу мақсатында «Қазақ аналары – Дәстүрге жол» республикалық қоғамдық бір-лестігі құрылып, қоғамдық бірлестіктің құрамындағы бірлестік мүшелерінің санын көбейту, қазақ аналарының ұлттық құндылықтар, салт-дәс-түр туралы білімдерін арттыра түсу бағытындағы жоспарлы жұмыстар жарасымды жалғасын табуда.
Бүгінде Алматы қаласы және Алматы облысы бойынша ашылған «Қазақ аналары – Дәстүрге жол» республикалық қоғамдық бірлестігінің филиалдары мен бөлімшелер саны күнен-күнге артып келеді. Алматы облысы бойынша Жамбыл, Еңбекшіқазақ,Іле, Қарасай және Шаңырақ-1 ықшам аудандарында, Өтеген Батыр кенті, Шиелі, Жамбыл мұражайы, Келді, Үштерек, Еңбекші, Әйтей, Ынтымақ, Шеңкелді, Байсерке, Қараой, Чапай ауылдарында ашылды.
Өткен аптада Балқаш ауданында да «Қазақ аналары – Дәстүрге жол» республикалық қоғамдық бірлестігінің аудандық филиалы құрылды. Филиалдың ашылу жиынына республикалық қоғамдық бірлестіктің төрайымы – Айнұр Жүгінісова, кеңесшісі Зәмзәгүл Мұқанова ханымдар мен бірлестіктің Алматы қаласы және Алматы облысы бойынша төрайымы – Дәулет Ләйле Ноғайқызы және ауданға қарасты әр ауылдағы аналар кеңесінің мүшелері қатысты.
Балқаш аудандық филиалы-ның төрайымдығына ұлағатты ана, дәрігер Дина Әзімшайықова тағайындалды.
Өз тілшімізден.
