Мейрамбек ҚАНТБЕКОВ, Балқаш ауданының Құрметті азаматы.
«Қазақ жерінде бұрын мемлекеттік құрылым болды ма?» деген сауал осыған дейін көпшілікті мазалап әрі ойландырып жүргені белгілі.
Осы сауалдың жауабын филология ғылымдарының кандидаты,саясаттану ғылымының докторы Мұхит-Ардагер Сыдықназаров елімізге кеңінен танымал журналист Майя Бекбаевамен болған сұхбатында тайға таңба басқандай нақты баяндады. Әлгі сұхбатты бастан-аяқ тыңдап шықтым.Сұхбат өте әсерлі шығыпты. Мен оны тыңдай отырып бұрын болмаған өзгеше көңіл-күйге еңдім.Шынымды айтсам кеудемді зор қуаныш кернеді.Әсіресе Мұхит-Ардагер Қаржаубайұлының үзіліссіз шұғылданған 17 жылы зая кетпей, Қазақ мемлекетінің шекарасы көрсетілген 1500 карта тапқандығына өте риза болдым. 1500 картаның 130-ын ықшамдап,оның толық мағұламатпен болғаны мені қатты толқытты.
Менің ойымша осы ісімен зертеуші ғалымыз «бұрындары Қазақ мемлекеті болмаған» дегендердің уәжіне жауап қайтарды деп білемін. Тәуелсіз еліміздің патриоты ретінде өз пікірімді білдіру мақсатында қолға қалам алып отырмын.
