Таңшолпан ҚАСЫМ, Алматы облысы “Тіл” оқу-әдістемелік орталығының Балқаш аудандық филиал меңгерушісі.
Қазақстан Республикасының Президенті Қасым-Жомарт Тоқаев Халықаралық «Қазақ тілі» қоғамының басшысы, Ұлттық құрылтайдың мүшесі Рауан Кенжеханұлын қабылдау барысында мемлекеттік тілді нығайту ісіндегі өзекті мәселелерді әңгіме арқауына айналдырғаның естіп, ерекше бір марқайып қалдым.
Әсіресе, Президентіміздің кейінгі уақыттарда балалардың тілі қазақша шықпай, шықса да өз деңгейінде емес екендігіне, қазаққа тән төл дыбыстау жүйесі, тіл тазалығы бұзылып бара жатқандығын мысал ретінде келтіріп, ана тіліміздің келешек тағдырына әрбір қазақстандық сияқты ерекше алаңдайтынын жеткізді.
Иә, бұл жасырып-жабары жоқ ақиқат дүние. Сәбилердің тілі ана тілімізде шықпай жатқанының бір себебі, ол ұялы телефонның әсері деп білемін. Сондықтанда әрбір ата-ана тіліміздің жанашыры болып, Мемлекет басшысының айтып отырған олқылығының орнын толтырса деген үкілі үміт бар.
