Қазақстандағы конституциялық реформалар – елдің құқықтық, саяси және әлеуметтік құрылымын түбегейлі жаңартуға бағытталған ауқымды және стратегиялық қадам. Конституция мәтінінің басым бөлігіне енгізілген түзетулер мен Преамбуланы толық жаңарту мемлекеттің құндылықтық негіздерін заманауи талаптармен үйлестіруге мүмкіндік береді. Бұл өзгерістер Қазақстанның демократиялық, зайырлы, құқықтық және әлеуметтік мемлекет ретіндегі миссиясын нақты айқындап, азаматтардың құқықтары мен бостандықтарын қорғауды жаңа деңгейге көтереді.
Жаңартылған Преамбулада адам, оның өмірі, құқықтары мен бостандықтары ең басты құндылық ретінде көрсетіліп, мемлекеттің халық алдындағы жауапкершілігі нақты анықталады. Сондай-ақ, тарихи сабақтастық, ұлттық мәдениет және қоғамдық құндылықтар Преамбулада жаңа қырынан көрініс табады, бұл халықтың бірлігін нығайтып, қоғамда сенімділік орнатуға ықпал етеді.
Реформа билік тармақтарының теңгерімділігін күшейтуді, Парламенттің жаңа бірпалаталы моделін енгізуді, азаматтардың мемлекеттік басқаруға қатысуын кеңейтуді және Конституциялық сот пен құқық қорғау механизмдерінің тиімділігін арттыруды қамтиды. Бұл қадамдар құқық үстемдігін нығайтып, мемлекеттік шешімдердің ашықтығы мен әділдігін қамтамасыз етеді. Сонымен қатар, мемлекет пен дін арасындағы өзара қарым-қатынасты реттеу, қоғамдық ұйымдардың жұмысын құқықтық тұрғыдан нақтылау тұрақтылықты сақтау мен қоғамдық келісімді нығайтуға бағытталған.
Конституциялық реформалар мемлекеттің миссиясын, функцияларын және қоғаммен байланысын жаңа қырынан қарауға мүмкіндік береді. Азаматтық қоғам институттарын белсенді түрде тарту, қоғамдық пікірді шешім қабылдау процесіне енгізу, басқару тиімділігін арттыру қоғамдағы әділеттілікті, ашықтықты және сенімді күшейтеді.
Жалпы алғанда, бұл реформалар Конституцияны тек құқықтық құжат қана емес, елдің даму бағытын айқындайтын, азаматтардың Конституцияға деген сенімін нығайтып, елдің тұрақты әрі әділетті дамуына берік негіз қалдыратын стратегиялық құралға айналдырады деп сенемін.
Балқаш ауданының депутаты – Е.Деңгелбаев
