Конституция мәтінінің басым бөлігіне өзгерістер енгізілуі мен Преамбуланың толықтай жаңартылуы мемлекеттің құндылықтық негіздерін қайта қарап, қазіргі заман талаптарына сай бейімдеуге мүмкіндік береді. Жаңартылған Преамбулада адам және оның құқықтары мен бостандықтары ең жоғары құндылық ретінде айқындалып, Қазақстанның демократиялық, зайырлы, құқықтық әрі әлеуметтік мемлекет ретіндегі мәртебесі нығая түседі.
Қағидалар қоғам дамуының басты бағытын белгілеп, мемлекеттің халық алдындағы жауапкершілігін арттырады. Сонымен қатар, мемлекеттік билікті ұйымдастырудың жаңа тәсілдері, азаматтардың басқару процесіне қатысу тетіктерінің кеңеюі және мемлекет пен дін арасындағы өзара іс-қимыл нормаларының нақтылануы қоғамдық келісім мен тұрақтылықты қамтамасыз етуге ықпал етеді. Бұл реформалар Қазақстанның болашақ дамуына берік құқықтық негіз қалайды деп санаймын.
Мәди ТҰРАР, аудандық Орталық аурухананың эндокринолог дәрігері.
