Бүгінгі болып жатқан Конституциялық комиссия отырысында жаңа Ата заң мәселесін қарау жөніндегі ұсыныс – ел дамуы үшін маңызды әрі өзекті қадам деп білемін. Қазіргі қоғамдағы саяси, әлеуметтік және экономикалық өзгерістер қолданыстағы Конституцияның кейбір нормаларын қайта қарауды талап етуі мүмкін.
Институттық деңгейде мұндай құндылықтардың Ата Заңда бекітілуі әлеуметтік саясаттың тұрақтылығын қамтамасыз етеді. Бұл — демографиялық даму, тәрбие және адами капиталды нығайту тұрғысынан ұзақ мерзімді инвестиция.
Жаңа Ата заң азаматтардың құқықтары мен бостандықтарын одан әрі нығайтып, мемлекеттік басқару жүйесінің тиімділігін арттыруға бағытталуы тиіс. Сондай-ақ мұндай бастама халықтың пікірін ескеріп, ашық әрі жан-жақты талқылау арқылы жүзеге асқан жағдайда ғана өз нәтижесін береді.
Ахан ЖОЛДЫБАЕВ, Балқаш ауданының Құрметті азаматы.
