«Құқықтық мемлекет: болашақ жастар көзімен» тақырыбында жастар мен ардагерлер кеңесі мүшелерінің қатысуымен мазмұнды кездесу өтті. Кездесу барысында елімізде жүзеге асырылып жатқан реформалардың мәні мен маңызы, заң үстемдігін нығайту, әділетті қоғам қалыптастыру және азаматтық жауапкершілікті арттыру мәселелері кеңінен талқыланды. Ардагерлер кеңесінің мүшелері ел дамуына бағытталған бастамаларды қолдау – әрбір азаматтың парызы екенін атап өтті. Олар жастарды мемлекет жүргізіп отырған реформаларға бейжай қарамай, белсенді азаматтық ұстаным танытуға шақырды.Жастар өз кезегінде құқықтық мемлекет құру жолындағы өзгерістерді қолдайтындықтарын білдіріп, ел болашағына жауапкершілікпен қарайтындықтарын жеткізді.
