Ұлыстың ұлы күні Наурыз мерекесі бақ дарыған Балқаш ауданында жоғары деңгейде ұйымдастырылып өтті. Мерекелік іс-шараға аудандық мекеме-ұйымдардың қызметкерлері біркісідей атсалысты. Аудан әкімі Азат Құтпанбетов жиылған көпшілікті Ұлыстың ұлы күнімен құттықтады. Аудандық Мәдениет үйінің алаңында тіз қатар тігілген ақ шаңқай киіз үйлер мен безендірілген шатырлар той алаңынын көркін кіргізіп, аста төк ақ дастарқан жайылып, той қызығына бөленген көпшілік наурыз көжеден ауыз тиіп, өнерпаздар әуелете шырқаған әуезді әндерді тыңдап, ерекше әсерге бөленді.
