Қазақстанның еңбек сіңірген өнер қайраткері Абдолла Қарсақбаевтың туғанына 100 жыл толуына орай «Қазақ киносының дара режиссері» атты дөңгелек үстел өтті.
Дөңгелек үстел барысында Абдолла Қарсақбаевтың өмір жолы мен шығармашылық мұрасы кеңінен талқыланды. Сонымен қатар режиссердің әйгілі «Менің атым – Қожа» фильмінен бейнеролик көрсетіліп, қатысушылар арасында ашық пікір алмасу ұйымдастырылды.
Іс-шараның мақсаты – қазақ киносының көрнекті режиссері Абдолла Қарсақбаевтың өмірі мен шығармашылығын насихаттау, ұлттық кино өнерінің дамуына қосқан үлесін таныту, жастардың кино өнеріне деген қызығушылығын арттыру және рухани-адамгершілік құндылықтарды дәріптеу.
