Референдумға ұсынылған Жаңа Конституцияның жобасы Қазақстанның саяси философиясындағы түбегейлі өзгерісті
көрсетті деп есептеймін.Қолданыстағы Ата заң мемлекеттің қалыптасу жылдарында елдің тұрақтылығын қамтамасыз
ету миссиясын орындаса, жаңа нұсқасы елді жасанды интеллект дәуірінің қиындықтарына және қоғамның шынайы
әділеттілікке деген талабына бейімдейді.Бұл ақиқат дүние.
Бұл дегеніңіз яғни “Әділ Қазақстан» және «Заң және тәртіп» қағидаты ұғымдарының енгізілуі бұл ұрандарды саяси
риторикадан тікелей конституциялық әрекет саласына көтереді. Ең бастысы, мемлекеттіліктің негізі қазір тек
Тәуелсіздік пен Егемендікке ғана емес, сонымен қатар адами капиталдың құндылықтарына – білімге, ғылымға және
инновацияға негізделген. Бұл ресурстарға негізделген даму моделінен интеллектуалды модельге ауысуды білдіреді.
Мұндай үрдісті сарапшылар нақты мысал ретінде айтып отыр.
Қазіргі модельде байқалатын ең басты өзгеріс –тарихи Құрылтай атауына ие болған бір палаталы Парламентке көшу.
Заң шығарушы құрылымның бұл ауқымды трансформациясы бюрократиялық кедергілерді жоюға және шешім
қабылдауды жеделдетуге бағытталған. Құрылтайды пропорционалды жүйе бойынша құру саяси партиялар түріндегі
қоғамдық бірлестіктердің рөлін күшейтеді, оларды өз платформаларындағы әрбір сөз үшін сайлаушылар алдында
тікелей есеп беруге мәжбүр етеді. Бұл конфигурацияда вице-президент лауазымын құру айтарлықтай институционалдық
өзгерістер жағдайында жүйенің тұрақтылығын нығайтуға бағытталған логикалық қадам болып көрінеді.
Сонымен қатар, жаңа Конституцияны әзірлеу процесін ашықтықтың үлгісі деп атауға болады. Әртүрлі салалар мен
әлеуметтік топтарға жататын 130 сарапшыны қамтитын Конституциялық комиссияның жұмысы тікелей эфир арқылы
қоғамдық бақылауда болды. Бұл, әрине, жабықтықтан аулақ болуға мүмкіндік берді. Ал пікір жинау үшін e-Otinish және
eGov сияқты цифрлық құралдарды пайдалану сарапшылар мен азаматтық қоғам арасындағы тікелей байланысты
қамтамасыз етті.
Осылайша, қазақстандықтар тарапынан түскен 10 000 тарта ұсыныс жобаны таза сараптамалық құжаттан шынымен
де танымал бұқаралық құжатқа айналдырды. Жобаның бірінші нұсқасы кең көлемді қоғамдық сараптамадан өтті және
азаматтық қоғамның пікірлерін ескере отырып қайта қаралды.Соның жемісі деп айтар болсам,референдумда
қазақстандықтар бұл өзгерістерді жақтады.
Бақтығали Дәуітбаев,журналист
