«Таза Қазақстан» - экологиялық акциясы елміздің барлық аймақтарында өз жалғасын табуда.
Еліміздің табиғаты мен қоршаған ортаны қорғау және экологиялық мәдениетті арттыру мақсатында қолға алынған республикалық акция аясында ауыл көшелері, саябақтар, өзен-көлдердің жағалаулары тазаланды.
Аталмыш акцияны жүзеге асыру мақсатында осы аптаның сәрсенбісі күні аудан орталығында сенбілік ұйымдастырылып, іс-шараға аудандық мекеме – ұйымдардың қызметкерлері, жастар қауымы, ауыл тұрғындары белсенді атсалысып, ауыл тұрғындарының бау-бақша суғаруға арналған арықтардың табаны қоқыстан, қураған шөптерден тазартылып, үйінді қоқыстар жүк көліктерге тиеліп, қоқыс төгуге арналған орындарға шығарылды.
Иә бұл «Таза Қазақстан» акциясы - біздің туған жерімізге деген сүйіспеншілік пен жауапкершілік сезімін нығайтуға бағытталған бағдарлама.
Сондықтанда барша аудан тұрғындары туып-өскен өлкесінің тазалығын бірге сақтап, тазаланған жерлердің қайта ластанбауына атсалысайық.
Өз тілшімізден.
