Аудандық прокуратураның бастамасымен және аудан прокурорының қатысуымен «Заң және тәртіп» идеологиясын қоғамда ілгерілету жөніндегі тұжырымдаманы іске асыру шеңберінде 8 сәуір күні Қарой ауылдық округінің мәдениет үйінде «Құқықтық аптека» атаулы акциясы ауыл тұрғындары арасында өткізілді. Бұл іс-шараға сондай-ақ аудан әкімінің орынбасары, құқық қорғау және басқа да уәкілетті органдарының өкілдері қатысты.
Сонымен қатар, ауылдық округ аумағында орналасқан демалыс орындарының басшылары арасында «Кәсіп қорғалуда» жобасына сәйкес туризімді дамыту, бизнесті қорғау мәселелерін талқылау, ауыл тұрғындарымен кездесу, халықты қабылдау ұйымдастырылып, оларға экожүйенің сақталуы, заңсыз аң-құс аулау, балық аулау қағидаттарының талаптарын түсіндіру жұмыстары өткізілді.
Аудандық прокуратура.
