Мемлекет басшысы Қасым-Жомарт Тоқаевтың тапсырмасы аясында еліміздің барлық өңірінде «Таза Қазақстан» республикалық экологиялық акциясы өз жалғасын тауып, экологиялық жағдайды жақсартуға және аймақты көгалдандыруға бағытталған ауқымды жұмыстар жүзеге асырылып жатыр.
Республика бойынша жүзеге асырылып жатқан ауқымды іс-шара бүгін Балқаш ауданының барлық ауылдық округтерінде ұйымдастырылып, ауыл көшелері, ауылдың сыртқы келбеті, өзен - көлдердің жағалаулары күл-қоқыстан тазартылды.Көше тұрғындары арасында өздері тұрып жатқан көшелері бойынша “Тазалық эстафетасы “ мен челендждер бастау алып,бұл бастамалар өз нәтижесін көрсетті. Сондай-ақ ағаш көшеттері отырғызылды.
Атап айтар болсақ,Бірлік ауылындағы жақында пайдалануға берілетін паркке ағаштың көптеген түрлері мен гүлдер отырғызылып,бұл іске ауыл тұрғындары лайықты үлестерін қосты.
Жалпылай айтсақ,” Таза Қазақстан” акциясы ауданда осылайша өз мәнінде өрнек тапты.
