«Қазгидромет» РМК-ның дауылды ескертуіне сәйкес, 2026 жылғы 3 шілдеде Алматы облысында өте қатты жаңбыр күтіледі. Осыған байланысты Іле және Күнгей Алатауларында сел жүру қаупі бар.
❗ Құрметті Алматы облысының тұрғындары мен қонақтары!
Ауа райы тұрақталғанға дейін таулы аймақтарға барудан, өзен аңғарлары мен шатқалдарда демалудан бас тартуға шақырамыз.
Сел қаупі кезінде келесі қауіпсіздік ережелерін сақтаңыз:
* ауа райы болжамдары мен ресми ескертулерді тұрақты бақылаңыз;
* нөсер жауын кезінде өзен арналары мен сай-салалардан алыс болыңыз;
* өзен жағасында, сел жүруі мүмкін аңғарларда және тау бөктерінде шатыр тікпеңіз;
* көлігіңізді өзен арналарының, көпірлердің және тау өзендерінің маңына қалдырмаңыз;
* балаларды қараусыз қалдырмаңыз, олардың қауіпті аймақтарға баруына жол бермеңіз;
* тауға шығуды, жаяу серуендеуді және туристік бағыттарға баруды кейінге қалдырыңыз;
* сел қаупі туындаған жағдайда немесе су деңгейі күрт көтерілсе, дереу қауіпсіз, биік жерге шығыңыз;
* электр сымдарына, опырылған ағаштарға және зақымданған құрылыстарға жақындамаңыз;
* төтенше жағдай орын алса, 112 нөміріне дереу хабарласыңыз.
