«Әділетті және Прогрессивті Қазақстанның Халықтық Конституциясы үшін!» коалициясының өкілдері Бақанас
ауылындағы Казак телеком ұжымымен кездесіп, жаңа Конституция жобасындағы еңбек құқықтарына қатысты
өзгерістерді түсіндірді.
Коалиция мүшелері 27-бапта еңбек ету құқығы, қауіпсіз еңбек жағдайлары, еңбек дауларын шешу тетіктері
конституциялық деңгейде бекітілгенін атап өтті. Сондай-ақ 31-бапта жалақы мен зейнетақының ең төмен
мөлшеріне кепілдік берілетінін жеткізді.
«Еңбек адамы – мемлекеттің тірегі. Жаңа Конституцияда еңбекқорлық құндылық ретінде бекітіліп, жұмысшылардың
құқықтарын қорғау күшейтілді», – деді коалиция мүшесі Марат Болатов.
Кәсіпорын қызметкерлері өз ойларымен бөлісіп, қойылған сұрақтарға нақты жауаптар алды.
