"Жайлы мектеп" ұлттық жобасын орындау аясында үш ауысымды және орын тапшылығын жою үшін Білім Министрлігі Алматы облысының 5 ауданында және Қонаев қаласында қуаттылығы 68 200 оқушы орны бар 63 жайлы мектеп нысандарының тізімін бекітті. Соңғы жеті жылда Жамбыл ауданы Ұзынағаш ауылында үш мектеп салынды. Елді мекенде 1500 орындық тағы бір мектептің құрылысы аяқталуда. Қазір мектеп жанындағы аумақты ішкі безендіру және абаттандыру жұмыстары жүргізілуде. "Жайлы мектеп" ұлттық жобасы аясында Алматы облысының Іле, Талғар, Еңбекшіқазақ, Қарасай және Жамбыл аудандарында мектептер салу жоспарлануда. Жамбыл ауданы әкімінің айтуынша, "жайлы мектеп" бағдарламасы аясында тек Жамбыл ауданында сегіз мектеп салынады. Биыл үш оқу орнын салуға 6,3 млрд теңге бөлінді. Қалған бес мектепті келесі жылы салу жоспарлануда, бүгінгі таңда техникалық құжаттама дайындалуда, жер учаскелерін бөлу мәселесі шешілуде. Халықтың белсенді өсуімен мектеп орындарының тапшылығы мәселесі әлі де өзекті болып отыр. бүгінгі таңда облыста 56 үш ауысымды мектеп бар.
АЛМАТЫ ОБЛЫСЫНДА 63 ЖАҢА МЕКТЕП САЛЫНАДЫ
| Жарнама орны (6) |
