Фото: Спортты дамыту дирекциясынан
Таиланд астанасы Бангкокта өтіп жатқан нысана көздеуден Азия кубогында Қазақстан әйелдер құрамасы кезекті алтын медальға қол жеткізді, деп хабарлады Elordainfo.kz.
Винтовкамен 50 метрден жатып нысана көздеуде Париж Олимпиадасының қола жүлдегері Александра Ле және Арина Алтухова, Елизавета Безрукова ешкімге дес бермеді. Олар 1849.8 ұпаймен күміс жүлдегер Жапониядан 1,5 балл көп жинады. Үздік үштікті Оңтүстік Корея командасы түйіндеді.
Осы жаттығудың жекелей сынында Арина Алтухова 618.2 ұпаймен 4-ші, Елизавета Безрукова 5-сатыдан көрінді. Ал Александра Ле 10-орынға табан тіреді.
Енді ертең әйелдер 3 позицияда нысана көздеуден жүлдеге таласады.
