Референдум – ел өміріндегі аса маңызды мәселелерді халықтың тікелей дауыс беруі арқылы шешетін демократиялық құрал. Бұл – әрбір азаматтың мемлекет тағдырына бейжай қарамай, өз таңдауын жасап, болашаққа бағыт беру мүмкіндігі.
Қазақстан тәуелсіздік алған жылдардан бері халықтың пікірін ескеруді басты қағидаттардың бірі ретінде ұстанып келеді. Осы орайда референдум – қоғам мен билік арасындағы ашық диалогтың нақты көрінісі. Ол ел дамуының стратегиялық бағыттарын айқындауға, заңнамалық өзгерістерді бекітуге және маңызды реформаларды қолдауға жол ашады.
Референдумның басты артықшылығы – шешім қабылдауға бүкіл халықтың қатысуы. Бұл – әділдік пен жариялылықтың белгісі. Әр азаматтың дауысы маңызды. Дауыс беру арқылы халық өзінің азаматтық позициясын білдіріп, елдің ертеңіне жауапкершілікпен қарайтынын көрсетеді.
Сондай-ақ референдум қоғамдағы бірлікті нығайтады. Ортақ мәселені бірге талқылап, ортақ шешім қабылдау – татулық пен тұрақтылықтың кепілі. Әсіресе жастардың белсенділігі елдің болашағына деген сенімді арттырады.
Қорыта айтқанда, референдум – демократиялық қоғамның айнасы. Ол халықтың еркін білдіретін, мемлекет дамуының бағытын айқындайтын маңызды тетік. Сондықтан әр азамат бұл үдеріске жауапкершілікпен қарап, өз таңдауын саналы түрде жасауы тиіс.
Ақынбек СТАНБЕКОВ, ауданның Құрметті азаматы.
