Жастар үшін референдум – тек дауыс беру ғана емес, сонымен қатар азаматтық жауапкершілікті сезіну. Себебі
бүгін қабылданған шешімдер ертеңгі күннің бағытын айқындайды. Сондықтан жастар қоғамдағы өзгерістерге
бейжай қарамай, елдің болашағына қатысты мәселелерге белсенді қатысуы тиіс.
Қазіргі жастар – білімді, жаңашыл ойлайтын, ел тағдырына бейжай қарамайтын буын. Әрбір жас өз дауысын беру
арқылы елдің тұрақты дамуына, әділетті қоғам қалыптастыруға үлес қоса алады. Бұл – нағыз патриотизмнің көрінісі.
Жастар белсенділері халық арасында түсіндіру жұмыстарын жүргізіп, референдумның маңызын насихаттауда да
ерекше рөл атқарады. Олар қоғамда белсенділік танытып, елдің жарқын болашағы үшін өз үлесін қосып келеді.
Қорыта айтқанда, референдум – әр азаматтың пікірін білдіретін маңызды демократиялық құрал. Ал жастардың
белсенді қатысуы – елдің ертеңіне деген сенім мен жауапкершіліктің айқын белгісі.
Гүлзат Сәлімжанова, қоғамдық пікір көшбасшысы.
