Референдум өткізу барысында әрбір азаматтың дауыс беру құқығын толық жүзеге асыруына жағдай жасалған. Соның ішінде денсаулық жағдайына, мүгедектігіне немесе басқа да себептерге байланысты бюллетеньді өз бетінше толтыра алмайтын азаматтарға көмек көрсету мүмкіндігі қарастырылған.
Мүгедектігі бар азаматтарға дауыс беру барысында жеке көмекшілер, туыстары немесе сенімді адамдар қолдау көрсете алады. Ең бастысы – дауыс беру құпиясы толық сақталып, азамат өз таңдауын еркін білдіруі тиіс.
Осылайша, референдум кезінде барлық азаматтардың, оның ішінде ерекше қажеттілігі бар адамдардың да конституциялық құқықтарын іске асыруына қажетті жағдайлар қамтамасыз етілуде.
