ЗАҢ МЕН ТӘРТІП: Іле ауданында балалардың терезеден құлап кетуінің алдын алу бойынша профилактикалық
жұмыстар жүргізілді
Алматы облысы Іле ауданының Төтенше жағдайлар бөлімінің қызметкерлері балалардың терезеден құлап кетуінің
алдын алу мақсатында профилактикалық іс-шаралар өткізді.
Іс-шара барысында мамандар көпқабатты тұрғын үйлердің тұрғындарымен кездесіп, балалар қауіпсіздігін
қамтамасыз ету бойынша түсіндіру жұмыстарын жүргізді. Ата-аналарға балаларды қараусыз қалдырмау, терезе
маңына жиһаз қоймау, масаға қарсы торларға сүйенудің қауіптілігі және арнайы терезе бекіткіштерін пайдаланудың
маңыздылығы жөнінде жан-жақты ақпарат берілді.
Практикалық жұмыстар аясында тұрғын үйлерге арнайы терезе бекіткіштері орнатылып, тұрғындарға қауіпсіздік
ережелері қамтылған бейнероликтер мен ақпараттық материалдарға қол жеткізуге мүмкіндік беретін QR-кодтар
таратылды.
Мамандардың айтуынша, мұндай профилактикалық шаралар балалардың өмірі мен денсаулығын сақтауға
бағытталған. Осыған байланысты ата-аналар мен заңды өкілдерді қауіпсіздік талаптарын қатаң сақтауға және
балаларды үнемі бақылауда ұстауға шақырады.
Балалардың қауіпсіздігі – баршамыздың ортақ міндетіміз.
