Жайдарман жаңалық!
Құрметті оқырман!
Ұлы Жеңістің 75 жылдығына орай Қазақстан Республикасының еңбек сіңірген мәдениет қызметкері, Алматы облысының Құрметті азаматы, Қазақ журналистикасының қайраткері Әли Ысқабай ағамыздың құрастырып, баспаға әзірлеуімен жақында «Балқаштың бас батыры» атты кітап жарық көрген болатын. Қаһарман Б.Бейсекбаевтың ерлігі жайлы хикаяттар мен естеліктер жинақталып, батырдың 100 жылдық мерейтойы қарсаңында жарық көрген бұл кітаптың жас ұрпаққа берері мол. Өйткені, аталмыш кітап арқылы рухани кеңістігімізді кеңейтіп қана қоймай, ел қорғаған батыр бабамыз Бақтыораз Шәмпекұлының өшпес ерлігімен етене жақын танысамыз.
