Қоғамның дамуы мен ел болашағын айқындайтын маңызды саяси оқиғалардың бірі – референдум. Бұл – халықтың өз пікірін білдіріп, мемлекет тағдырына тікелей қатысуына мүмкіндік беретін демократиялық құрал. Осындай маңызды сәттерде жастардың белсенділігі ерекше рөл атқарады.
Бүгінгі жас буын – елдің ертеңі, қоғамның қозғаушы күші. Сондықтан референдумға қатысу арқылы жастар өздерінің азаматтық жауапкершілігін көрсетеді. Белсенді жастар халыққа түсіндіру жұмыстарын жүргізіп, қоғамда саяси мәдениеттің қалыптасуына үлес қосады. Олар әлеуметтік желілер мен түрлі кездесулер арқылы референдумның мәні мен маңызын түсіндіріп, азаматтарды ел болашағына бейжай қарамауға шақырады.
Жастардың белсенділігі – елдегі тұрақтылық пен бірліктің белгісі. Себебі саналы ұрпақ мемлекет дамуына өз үлесін қосуға әрдайым дайын. Референдумға қатысу – тек таңдау жасау ғана емес, сонымен қатар ел тағдырына жауапкершілікпен қарау.
Сондықтан әрбір жас азамат референдумның маңызын түсініп, өз таңдауын жасау арқылы қоғам дамуына үлес қосуы тиіс. Белсенді жастар – жарқын болашақтың кепілі.
Аршын ҚУАНЫШ, жастар белсендісі.
