Осы тұрғыдан алғанда референдум – халықтың өз болашағына тікелей ықпал етуіне мүмкіндік беретін маңызды демократиялық құрал. Қоғамдық белсенді ретінде мен бұл үдерістің ел өміріндегі рөлі ерекше екенін атап өткім келеді.
Референдум – мемлекет пен қоғам арасындағы сенімді нығайтатын тетік. Халық өз ойын ашық айтып, ел дамуына қатысты маңызды шешімдерге қатыса алады. Бұл – азаматтардың жауапкершілігін арттырып, ел тағдырына бейжай қарамайтын белсенді қоғам қалыптастыруға жол ашады.
Бүгінде қоғамда түрлі пікір бар. Бұл – қалыпты жағдай. Ең бастысы – әр азамат өз таңдауын саналы түрде жасап, ел болашағына бей-жай қарамауы керек. Өйткені референдум нәтижесі тек бүгінгі күнге ғана емес, келешек ұрпақтың өміріне де әсер етеді.
Сондықтан барша азаматтарды референдумға қатысып, өз дауыстарын беруге шақырамын.
Ахан ЖОЛДЫБАЕВ, қоғам белсендісі.
