Тәуелсіздіктің алғашқы жылдарынан бастап бүгінгі күнге дейін мемлекетіміздің дамуына куә болып келеміз. Осындай маңызды сәттердің бірі – референдум. Бұл – халықтың өз тағдырын өзі айқындайтын, ел болашағына тікелей әсер ететін демократиялық таңдау.
Референдум – әр азаматтың ел өміріндегі маңызды мәселелер бойынша өз пікірін білдіруіне мүмкіндік беретін маңызды құрал. Бұл тек саяси науқан ғана емес, ол – халық пен биліктің арасындағы сенім мен жауапкершіліктің көрінісі. Сондықтан мұндай тарихи сәттерде әрбір азамат бейжай қарамай, ел тағдырына қатысты шешімге өз үлесін қосуы қажет.
Нүрия ҚАПСАЛАНОВА, зейнеткер.
