Ақсақал ретінде айтарым – бірлік пен ынтымақ бар жерде ғана береке болады. Референдумға қатысу – әр азаматтың азаматтық борышы. Біз болашақ ұрпаққа тұрақты, дамыған мемлекет қалдыру үшін осындай маңызды сәттерде белсенділік танытуымыз қажет.
Ел тағдырына бейжай қарамай, ортақ іске атсалысу – әрқайсымыздың парызымыз. Сондықтан барша жұртты референдумға қатысып, өз таңдауын жасауға шақырамын. Өйткені халықтың таңдауы – ел болашағының кепілі.
Бүгінде ауыл тұрғындары елдегі өзгерістерге бейжай қарамайды. Жастар да, үлкендер де қоғамдағы маңызды мәселелерге өз көзқарасын білдіруге дайын. Бұл – халықтың саяси белсенділігінің артқанын көрсетеді. Әсіресе жастардың ел болашағына жауапкершілікпен қарауы көңіл қуантады.
Серік БЕКЖІГІТОВ, ауданның Құрметті азаматы.
