
Эльмира Сарсенова - 1968 жылы Райымбек ауданына қарасты Жалаңаш ауылында дүниеге келген.
1975 жылы Жалаңаш ауылындағы мектептің табалдырығын аттап, 1985 жылы орта мектепті аяқтаған.
Еңбек жолымды 1986 жылы бастаған. 1996–2002 жылдар аралығында «Қазпошта» пошта байланысы торабында газет сұрыптау бөлімінің сұрыптаушысы болып қызмет атқарған.
2011 жылдан бастап бүгінгі күнге дейін аудандық «Таза Су» мекемесінде кассир-бақылаушы қызметін атқарып келеді. Қызмет барысында тұрғындармен тығыз байланыс орнатып, өз жұмысына ұқыптылықпен әрі жауапкершілікпен қарауды басты қағида етіп ұстанады.
Еңбек жолында адалдықты, тиянақтылықты және жауапкершілікті басты орынға қойып келеді.
САЙЛАУАЛДЫ БАҒДАРЛАМАСЫ
Ауылішілік жолдардың жөнделуіне ықпал ету; - Ауызсу, электр жарығы және көше жарықтандыру мәселелерін көтеру;- Ауылдарды абаттандыру, балалар ойын алаңдары мен қоғамдық орындарды көбейту;- Елді мекендердің инфрақұрылымын жақсартуға атсалысу.
Жұмыспен қамту және кәсіпкерлікті қолдау- Жаңа жұмыс орындарының ашылуына ықпал ету.
Мектеп асханаларындағы тағам сапасын, санитарлық талаптардың сақталуын және тамақтану жағдайын тұрақты бақылауға назар аудару.
Ата-аналар комитеттері мен қоғамдық ұйымдардың мектептегі тамақтану сапасын бақылау жұмыстарына қатысуына жағдай жасау.
Оқушылардың жас ерекшелігіне сай құнарлы әрі пайдалы тағаммен қамтамасыз етілуін назарда ұстау.
Мектеп асханаларының материалдық-техникалық жағдайын жақсарту, қажетті жабдықтармен қамтамасыз ету мәселелерін көтеру.
Шалғай елді мекендер мен мектептен қашық орналасқан ауылдардағы балаларды қауіпсіз тасымалдау үшін мектеп автобустарының санын көбейту мәселесін көтеру.
Оқушыларды тасымалдайтын автобустардың техникалық жағдайына, қауіпсіздік талаптарына және уақытылы қызмет көрсетуіне назар аудару.
Мектептерге жақын орналасқан көшелерде жаяу жүргіншілер өткелдерін, жол белгілерін, бағдаршамдар мен түнгі жарықтандыру жүйелерін орнатуға ықпал ету.
Мектеп аумақтарындағы көлік қозғалысының қауіпсіздігін қамтамасыз ету, жылдамдықты шектеу белгілерін орнату мәселесін тиісті органдармен бірлесе қарастыру.
Оқушылар арасында жолда жүру ережелерін сақтау мәдениетін қалыптастыруға бағытталған түсіндіру жұмыстарын қолдау.
Ерекше білім беру қажеттілігі бар балаларға қолдау көрсету;
Инклюзивті білім беруді дамыту мақсатында мектеп ғимараттарының ерекше білім беру қажеттіліктері бар балаларға қолжетімді болуын қамтамасыз ету мәселесін көтеру.
- Қоршаған ортаны қорғау жұмыстарын жандандыру.
Менің басты ұстанымым – халыққа жақын болу, елдің сөзін сөйлеу және ортақ мүдде үшін еңбек ету.
Ауданның дамуы бір адамның ғана емес, баршамыздың бірлескен еңбегіміздің нәтижесі.
Әр ауылдың мәселесі – ортақ мәселе, әр тұрғынның ұсынысы – назар аударуға тұрарлық пікір.
Өнерге, музыкаға, қолөнерге және шығармашылыққа қызығатын балаларға арналған үйірмелердің жұмысын жандандыруға атсалысу.
Жазғы демалыс кезінде балалардың қауіпсіз әрі мазмұнды тынығуын ұйымдастыру, сауықтыру және демалыс лагерлеріне қолжетімділігін арттыру мәселесін назарда ұстау.
Ауданның талантты жас спортшылары мен өнерпаздарының жетістіктерін қолдап, олардың республикалық және облыстық жарыстарға қатысуына ықпал ету.
Мектептердегі қауіпсіздік жүйесін жетілдіру, бейнебақылау камераларының жеткілікті әрі жарамды болуын қамтамасыз ету мәселесін көтеру.
Білім беру ұйымдарында күзет қызметінің сапасын арттыруға және қауіпсіздік талаптарының сақталуына назар аудару.
Балалар мен жасөспірімдер спортының дамуына, спорттық үйірмелердің жұмысын жандандыруға қолдау көрсету.
Жастардың бос уақытын тиімді ұйымдастыру, мәдени-рухани және шығармашылық әлеуетін дамытуға бағытталған бастамаларды қолдау.
Көпбалалы және аз қамтылған отбасылардың әлеуметтік мәселелерін назарда ұстап, оларға көрсетілетін мемлекеттік қолдаудың қолжетімділігі мен тиімділігін арттыру мәселесін көтеру.
Жалғызбасты қарттардың, ардагерлердің және мүмкіндігі шектеулі азаматтардың әлеуметтік жағдайын жақсартуға бағытталған жұмыстарға қолдау көрсету.
Әлеуметтік көмекке мұқтаж азаматтардың өтініштері мен мәселелерін назардан тыс қалдырмай, тиісті мекемелермен бірлесе шешу жолдарын қарастыру.
Әйелдердің кәсіпкерлік бастамаларын қолдап, олардың қоғам өміріне белсенді араласуына мүмкіндік жасауға ықпал ету. Отбасылық құндылықтарды нығайту, ана мен баланы қорғау, ұрпақ тәрбиесі бағытындағы игі бастамаларды қолдау.
Кәсіпкерлермен, шаруа қожалықтарының басшыларымен және ауыл тұрғындарымен тұрақты кездесулер өткізіп, олардың өтініштері мен ұсыныстарын жүйелі түрде жинақтау. Халықтың көкейінде жүрген өзекті мәселелерді мәслихат отырыстарында көтеріп, тиісті органдармен бірлесе отырып, шешу жолдарын қарастыру. Атқарылған жұмыстардың нәтижесі туралы тұрғындарға ашық әрі жүйелі түрде есеп беріп отыру.
Негізгі ұстанымым кәсіпкерлікті қолдау, ауыл шаруашылығын дамыту және еңбек адамын бағалау – елді мекендердің өркендеуі мен халықтың әл-ауқатын арттырудың басты кепілі.
Бұқаралық спортты дамыту. Ауыл балалары мен жасөспірімдеріне арналған күрес, бокс, футбол және басқа да спорт түрлері бойынша тегін үйірмелер мен секциялар ашуға ықпал етемін. Білікті жаттықтырушыларды тарту, спорттық құрал-жабдықтармен қамтамасыз ету, ауылішілік және аудандық деңгейдегі жарыстарды тұрақты өткізу мәселелеріне басымдық беремін. Әрбір баланың спортпен шұғылдануына жағдай жасалуы тиіс.
Жастардың бастамаларына қолдау көрсету. Жастардың білім алуына, кәсіп меңгеруіне, жұмыспен қамтылуына және өз кәсібін ашуына бағытталған мемлекеттік бағдарламалардың қолжетімді болуына ықпал етемін.
Медициналық қызметтің қолжетімділігі мен сапасын арттыру, емдеу мекемелерінің қажетті құрал-жабдықтармен қамтамасыз етілуі мәселелерін назардан тыс қалдырмаймын. Сонымен қатар білім беру ұйымдарының жағдайын жақсарту, оқушылардың сапалы білім алуына және олардың қабілеттерін дамытуға мүмкіндік туғызу бағытындағы жұмыстарға қолдау білдіремін.
Ауыл экономикасын жандандырудың маңызды тетігі – шағын және орта бизнесті дамыту. Осы бағытта жергілікті кәсіпкерлердің ұсыныстарын қолдап, жаңа кәсіп түрлерін ашуға, сауда-саттық саласын өркендетуге және тұрғындарды жұмыспен қамтуға мүмкіндік беретін бастамалардың жүзеге асуына ықпал етемін.
Жастардың қоғамдық өмірге араласуына, еріктілік қозғалысына және азаматтық бастамаларына қолдау көрсету. Ауыл жастарының бос уақытын тиімді ұйымдастыру, мәдени және спорттық іс-шараларды дамыту жөніндегі ұсыныстар енгізу.
Жас мамандарды ауылда тұрақтандыруға және олардың кәсіби әлеуетін іске асыруға бағытталған шараларды қолдау.
Өскелең ұрпақтың спортқа, өнерге және қоғамдық жұмыстарға қызығушылығын арттыруға басымдық беремін.


